नियन्त्रित लागूऔषधसहित एक जना पक्राउ

सर्लाही, मंसिर  ३ : हरिपुर नगरपालिका २ हरिपुर बजारस्थित सडकबाट नियन्त्रित लागूऔषधसहित एक जनालाई प्रहरीले पक्राउ गरेको छ। १ सय एमएलका १६ बोतल डाईलेक्स डिसि, ३५ बोतल आरजेटी केयर र १ सय १४ पिस स्पास्मो प्रोक्सिभनसहित भारत सितामढी थाना बथनाहा रुपौलीका ४० वर्षीय मुना साहलाई शुक्रबार बिहान प्रहरीले पक्राउ गरेको हो। 

मलंगवाबाट नवलपुरतर्फ आउँदै बिआर ३० जेड ५४६४ नम्बरको मोटरसाइकलमा सवार मुनालाई ईलाका प्रहरी कार्यालय हरिपुरबाट खटिएको प्रहरीले जाँच गर्नेक्रममा उक्त लागूऔषधसहित फेला पारी पक्राउ गरेको हो। 

यस सम्बन्धमा प्रहरीले थप अनुसन्धान गरिरहेको जनाएको छ।