धादिङ, सोलुखुम्बु र सप्तरीमा एकएकजना मृत फेला

काठमाडौं, कात्तिक २५ : धादिङ, सोलुखुम्बु र सप्तरीमा एकएकजना मृत फेला परेका छन्।    

धादिङको धुनिबेंसी नगरपालिका-१ डाडाँगाउँ बस्ने ६० वर्षीया तीर्थमाया तामाङ आफ्नै घरको बरन्डामा बिहीबार मृत अवस्थामा फेला परेकी छन्। घटनामा शङ्कास्पद एक जनालाई प्रहरीले नियन्त्रणमा लिएर अनुसन्धान सुरु गरेको छ। 

सोलुखुम्बुको सोलु दुधकुण्ड नगरपालिका-११ बेलिडाडा बस्ने ढक बहादुर खत्रीकी आठ महिनाकी छोरी थलमाया खत्री सुतिरहेको अवस्थामा बिहीबार मृत फेला परेकी छन्। 

सप्तरीको राजविराज नगरपालिका-१२ दामाबती टोलस्थित गोरेटो बाटोको छेउको कुलोमा हाल नाम, थर, वतन नखुलेकी करिब ६० वर्षीया महिला बिहीबार मृत अवस्थामा फेला परेकी छन्। 

यस सम्बन्धमा थप अनुसन्धान भइरहेको प्रहरीले जनाएको छ।