मोटरसाइकल चोरी गरी भाग्दै गरेको अवस्थामा २ जना पक्राउ

पर्सा, कात्तिक २४ : वीरगञ्ज महानगरपालिका १५ नेशनल मेडिकल कलेजमा पार्किङ गरी राखेको मोटरसाइकल चोरी गरी भाग्दै गरेको अवस्थामा दुई जना पक्राउ परेका छन्।

ना.२९ प ६७९० नम्बरको मोटरसाइकल चोरी गरी भाग्दै गरेको अवस्थामा मंगलबार राति प्रहरीले दुई जनालाई पक्राउ गरेको हो। 

पक्राउ पर्नेहरुमा वीरगञ्ज महानगरपालिका १५ भिष्वाका २२ वर्षीय सुरज सहनी र १९ वर्षीय सुजित सहनी रहेका छन्। उक्त मोटरसाइकलको लक तोडेर चोरी गरी भाग्दै गरेको अवस्थामा सोही अस्पतालका गार्डले देखी जिल्ला प्रहरी कार्यालय पर्सामा जानकारी गराउनासाथ तत्काल वडा प्रहरी कार्यालय श्रीपुरबाट खटिएको प्रहरीले मोटरसाइकलसहित दुवै जनालाई पक्राउ गरेको हो।

उनीहरु उपर चोरी सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साले जनाएको छ।