अपराध निर्मूल गर्न विशेष योजना : प्रहरी महानिरीक्षक क्षत्री

सर्लाही, कात्तिक २२ : प्रहरी महानिरीक्षक शैलेश थापा क्षत्रीले सीमा नाकामा हुने अपराध, लागूऔषधको अवैध कारोबारलगायत अपराध निर्मूल गर्नका लागि प्रहरीले विशेष प्राथमिकताका साथ आवश्यक कार्ययोजना तर्जुमा गरी काम गर्नुपर्ने बताएका छन् ।

जिल्ला प्रहरी सर्लाही र मातहतका कार्यालय प्रमुख, प्रहरी अधिकृत र जवानहरूलाई सोमबार निर्देशन दिँदै उनले प्रहरीले गरेका हरेक क्रियाकलाप संगठनसँग जोडिने हुनाले आफ्नो कर्तव्य सदैव पारदर्शी रूपमा बहन गर्नुपर्ने उल्लेख गरे ।

प्रहरी जीवन सार्वजनिक जीवन भएको उनले बताए । आफ्नो आचरण र व्यवहारमा अझै सुधार ल्याउन, नम्र भाषा प्रयोग गर्न र खुशीसाथ विनाभेदभाव नागरिकलाई समान एवं प्रविधिमैत्री सेवा प्रदान गर्न उनले निर्देशन दिए । महिला, बालबालिका र ज्येष्ठ नागरिकलाई उच्च प्राथमिकतामा राखी सेवा दिन उनले आग्रह गरे ।