टी-२० क्रिकेटको उपाधि गजुरी विकास समाजलाई

धादिङ, कात्तिक १९ : जिल्ला क्रिकेट संघले आयोजना गरेको टी–२० क्रिकेट प्रतियोगिताको उपाधि गजुरी सामुदायिक विकास समाजले जितेको छ ।

११ कात्तिकदेखि विशालटारमा आयोजना गरिएको उक्त प्रतियोगिताको फाइनलमा गजुरी सामुदायिक विकास समाजले त्रिपुरासुन्दरीलाई २१ रनले हराउँदै उपाधि हात पारेको हो । टस जितेर ब्याटिङ गर्दै गजुरीले निर्धारित २० ओभरमा सबै विकेट गुमाउँदै ११० रन बनायो । एक सय ११ रनको लक्ष्य पछ्याउने क्रममा त्रिपुरासुन्दरीले सबै विकेट गुमाउँदै मात्र ८९ रन बनायो । 

प्रतियोगिताको विजेतालाई एक लाख र उपविजेतालाई ५० हजार रुपैयाँसहित ट्रफी र प्रमाणपत्र प्रदान गरिएको धादिङ जिल्ला क्रिकेट संघका उपाध्यक्ष नारायण सिलवालले जानकारी दिए । नीलकण्ठ नगरपालिकाका प्रमुख भीमप्रसाद ढुंगानाले विजेता र उपविजेतालाई पुरस्कार वितरण गरे ।