भाइटीकाको उत्तम साइत ११ बजेर २ मिनेटमा

काठमाडौं, कात्तिक १९ : यस वर्षको भाइटीकाको उत्तम साइत शनिबार बिहान ११ बजेर दुई मिनटमा रहेको नेपाल पञ्चांग निर्णायक समितिले जनाएको छ ।

शुभ साइतबाहेक दिनभरि नै टीका लगाउन सकिने समितिको भनाइ छ । समितिका अनुसार राज्य सञ्चालक तथा प्रमुखहरू शुभसाइतमा नै टीका लगाउनुपर्छ । सर्वसाधारणले भने दिउँसो टीका लगाए पनि शास्त्रसम्मत हुने समितिको भनाइ छ ।

साथै नेपालबाहिर विभिन्न देशमा बसेका नेपालीले भाइटीका लगाउँदा त्यहाँको समयअनुसार साइत निर्धारण गरिएको छ ।