तास खेलिरहेको अवस्थामा पक्राउ

काठमाडौं, कात्तिक १८ : कास्की माछापुच्छ्रे गाउँपालिका–२ तातोपानीस्थित तातोपानी इन होटलमा जुवातास खेलिरहेको अवस्थामा स्याङ्जा हरिनाश गाउँपालिका–३ बस्ने २८ वर्षीय कमल भण्डारीलगायत ११ जनालाई बुधबार बिहान प्रहरीले पक्राउ गरेको छ ।

जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद १५ लाख २४ हजार ७० रुपैयाँ र ताससहित पक्राउ गरेको हो ।

मोरङ विराटनगर महानगरपालिका–११ बसपार्कस्थित न्यू ताप्लेजुङ होटलमा तास खेलिरहेको अवस्थामा सिन्धुली भीमफेदीका ३८ वर्षीय मोतिलाल श्रेष्ठलगायत ४ जनालाई बिहीबार बिहान प्रहरीले पक्राउ गरेको छ । वडा प्रहरी कार्यालय ‘क’ विराटनगरको टोलीले उनीहरूलाई नगद ८८ हजार ४ सय २० रुपैयाँ  र एक बुक ताससहित पक्राउ गरेको हो ।