चोरी गरेको मोटरसाइकलसहित ३ जना पक्राउ

पर्सा, कात्तिक १८ : वीरगञ्ज महानगरपालिका–१६ बाबा होटलको प्यासेजभित्र पार्किङ गरी राखिएको बीआर २२ एटी ९३२६ नम्बरको मोटरसाइकल चोरी गरेको अभियोगमा ३ जनालाई सोही महानगरपालिका–१६ भानुचोकबाट प्रहरीले पक्राउ गरेको  छ ।

पक्राउ पर्नेमा वीरगञ्ज–१५ का २२ वर्षीय कैलाश महतो, बारा कलैया उपमहानगरपालिका–४ का २२ वर्षीय विनयराज शर्मा र फेटा गाउँपालिका–३ का २० वर्षीय रविनकुमार साह छन् ।

भारत विहार भटकौल सक्रौल–९ का ६५ वर्षीय अरुणकुमार चौरसियाले १२ कात्तिकमा उक्त होटलको प्यासेजभित्र पार्किङ गरी राखेको मोटरसाइकल चोरी भएको थियो । जिल्ला प्रहरीको टोलीले चोरी भएको मोटरसाइकलमा बा८२प ६४६० नम्बरको प्लेट राखी चलाइरहेको फेला पारी उनीहरूलाई पक्राउ गरेको हो ।

उनीहरू विरुद्ध चोरीसम्बन्धी कसूरमा अनुसन्धान अगाडि बढाइएको प्रहरीले जनाएको छ ।