मुख्यमन्त्री राईद्वारा शुभकामना

मोरङ, कात्तिक १८ :  प्रदेश १ का मुख्यमन्त्री राजेन्द्र राईले  दीपावली, छठ तथा नेपाल संवत् ११४२ को उपलक्ष्यमा स्वदेश तथा विदेशमा बस्ने सम्पूर्ण नेपाली दिदीबहिनी तथा दाजुभाइहरूमा सुख, शान्ति र समृद्धिको कामना गरेका छन्।

आज जारी सन्देशमा नेपाल विविध भाषा धर्म, संस्कृति र संस्कारले भरिएको चाडपर्वको धनी मुलुक भएकाले यस्ता पर्वमा आआफ्नै मौलिकतालाई कायम राखेर तिनको जगेर्ना गर्न आजको आवश्यकता भएको उनले उल्लेख गरे। 

मुख्यमन्त्री राईले पर्वहरु मनाउने क्रममा  यदाकदा देखिने भड्किलोपन र खर्चिलोपनलाई कम गर्दै भेटघाट, समाज जोड्ने पुलका रुपमा सबैले आआफ्नो क्षेत्रबाट  भूमिका निर्वाह गर्नुपर्नेमा पनि जोड दिए।