रौतहटमा ३५ हजार बराबरको पटाका बरामद 

रौतहट, कात्तिक १७ : गौर नगरपालिका–७ सिसवा चोकमा ना५ख ८४७५ नम्बरको बसमा लोड गरिरहेको अवस्थामा करिब ३५ हजार रुपैयाँ बराबरको नागिन र छुरछरी पटाका मंगलबार दिउँसो प्रहरीले बरामद गरेको छ। 

गौरबाट काठमाडौंतर्फ आउँदै गरेको उक्त बसमा २ वटा बोरामा लुकाई पटाका लोड गरिरहेको अवस्थामा फेला पारी जिल्ला प्रहरी कार्यालय रौतहटबाट खटिएको प्रहरीले बरामद गरेको हो।