स्रोत नखुलेको नगदसहित पक्राउ 

पर्सा, कात्तिक १७ : वीरगन्ज महानगरपालिका-१६ शंकरचार्य गेटबाट स्रोत नखुलेको नगद ५ लाख ५० हजार रुपैयाँ सहित सोही महानगरपालिका–३१ कोनिया टोल बस्ने २४ वर्षीय अनिल साहलाई मंगलबार दिउँसो प्रहरीले पक्राउ गरेको छ।

भारतबाट नेपालतर्फ आउँदै गरेको ना४०प ४३०२ नम्बरको मोटरसाइकललाई प्रहरी चौकी इनर्वाबाट खटिएको प्रहरीले जाँच गर्ने क्रममा अनिलको झोलाभित्र उक्त नगद फेला पारी उनलाई पक्राउ गरेको हो।  

यसबारे थप अनुसन्धान भइरहेको प्रहरीले जनाएको छ।