कौडा खेलिरहेको अवस्थामा पक्राउ 

काठमाडौं, कात्तिक १३ : दाङ, तुलसीपुर उपमहानगरपालिका ६ रजौरास्थित बिष्णु आचार्यको घरमा कौडा खेलिरहेको अवस्थामा ८ जनालाई पक्राउ गरेको छ। शुक्रबार दिउँसो प्रहरीले सोही उपमहानगरपालिका ११ का ३१ वर्षीय रोहित न्यौपाने लगायत ८ जनालाई पक्राउ गरेको हो। 

उक्त घरमा कौडा खेलिरहेको भन्ने खबर प्राप्त हुनासाथ ईलाका प्रहरी कार्यालय तुलसीपुरबाट खटिएको प्रहरीले उनीहरुलाई १ लाख ९८ हजार २ सय रुपैयाँ र १६ थान कौडा सहित पक्राउ गरेको हो। 

तनहुँ, आबुखैरेनी गाउँपालिका १ समस्तिपुरस्थित क्वीन बि रेष्टुरेन्टमा कौडा खेलिरहेको अवस्थामा रेष्टुरेन्ट संचालक सोही गाउँपालिका १ का ३५ वर्षीय प्रकाश खनाललगायत १५ जनालाई शुक्रबार राति प्रहरीले पक्राउ गरेको छ। उक्त रेष्टुरेन्टमा कौडा खेलिरहेको भन्ने खबर प्राप्त हुनासाथ जिल्ला प्रहरी कार्यालय तनहुँ र ईलाका प्रहरी कार्यालय आबुखैरनीबाट खटिएको प्रहरीले उनीहरुलाई नगद १ लाख १३ हजार १० रुपैयाँ र १६ थान कौडासहित पक्राउ गरेको हो। 
यस सम्बन्धमा प्रहरीले थप अनुसन्धान गरिरहेको छ।