नवनिर्मित प्रहरी चौकी खुम्जुङ सोलुखुम्बुको कार्यालय तथा आवास भवन उद्घाटन
सोलुखुम्बु, कात्तिक १३ : प्रदेश नम्बर १ प्रहरी कार्यालय विराटनगरका प्रमुख प्रहरी नायव महानिरीक्षक अरुण कुमार बिसीले प्रहरी चौकी खुम्जुङ सोलुखुम्बुको नवनिर्मित कार्यालय...
सोलुखुम्बु, कात्तिक १३ : प्रदेश नम्बर १ प्रहरी कार्यालय विराटनगरका प्रमुख प्रहरी नायव महानिरीक्षक अरुण कुमार बिसीले प्रहरी चौकी खुम्जुङ सोलुखुम्बुको नवनिर्मित कार्यालय तथा आवास भवनको उद्घाटन गरेका छन्। शनिबार आयोजित एक कार्यक्रमबीच उनले भवन उद्घाटन गरेका हुन्।
कार्यक्रममा उनले भवन निर्माणमा उल्लेखनीय भूमिका निर्वाह गर्ने विभिन्न महानुभावहरूलाई प्रशंसापत्र समेत प्रदान गरे। उक्त अवसरमा प्रहरी नायव महानिरीक्षक बिसीले गाँस बासको उचित ब्यबस्था भएसँगै प्रहरी कर्मचारीलाई काम गर्न थप हौसला मिल्ने बताए। सुन्दर भवनको निर्माण भएसँगै जनमैत्री प्रहरी सेवा र कानूनको परिधिमा रही जन चाहना बमोजिमको प्रहरी सेवा प्रदान गर्न प्रहरी कर्मचारीहरुलाई उनले निर्देशन समेत दिए।
१ तले ८ कोठे उक्त भवन कूल १ करोड ६८ लाख ६४ हजार ३ सय ६४ रुपैयाँको लागतमा निर्माण कार्य सम्पन्न भएको १ नम्बर प्रदेश प्रहरी कार्यालय विराटनगरले जनाएको छ।
उद्घाटन कार्यक्रममा सोलुखुम्बु जिल्लाका प्रमुख जिल्ला अधिकारी गणेश विक्रम शाही, जिल्ला प्रहरी कार्यालय सोलुखुम्बुका प्रमुख प्रहरी नायव उपरीक्षक कवित कटवाल लगायतको उपस्थिति रहेको थियो।
