माटोको ढिस्कोले पुरिएर एककाे मृत्यु, ६ घाइते

सिरहा, कात्तिक १० : धनगढीमाई नगरपालिका ५ बस्ने प्रकाश कामतकी छोरी ११ वर्षीया करिश्मा कामतको ढिस्कोले पुरिएर मृत्यु भएको छ। सोही नगरपालिका ६ मोहियाहीमा माटोको ढिस्कोले पुरिएर बुधबार बिहान घटनास्थलमै उनको मृत्यु भएको हो। 

घर लिपपोत गर्ने माटो खन्ने क्रममा माटोको ढिस्कोले पुरिएर उनको घटनास्थलमै मृत्यु भएको हो। साथै पुरिएर घाइते भएका अन्य ६ जनालाई उपचारको लागि जानकी पोलिकिल्निक जिरोमाइल धनगढीमा लगिएकोमा गम्भीर घाइते रहेका अन्य २ जनालाई थप उपचारको लागि नोबेल अस्पताल विराटनगर पठाइएको छ।