कांग्रेस नेता सिंहको स्वास्थ्यमा सुधार

काठमाडाैं, साउन २३ : नेपाली कांग्रेसका पूर्वमहामन्त्री प्रकाशमान सिंहको स्वास्थ्यमा सुधार आएको छ। 

ललितपुरको मेडिसिटी अस्पतालमा उपचाररत नेता सिंहको स्वास्थ्यमा सुधार आएको उनका स्वकीय सचिव युपी लामिछानेले जानकारी दिए। सुगर र पिसाबको समस्या देखिएपछि नेता सिंह सोमबार बिहान मेडिसिटी अस्पतालमा भर्ना भएका थिए। 

सिंहलाई डा. मिमी गिरीको टोलीले उपचार गरिरहेको छ। डा‍. गिरीका अनुसार नेता सिंहलाई अझै केही दिन अस्पतालमा राखिनेछ।