दुई लाख घुस लिएको आरोपमा सवइन्जिनियर पक्राउ
काठमाडौं, असोज २० : अख्तियार दुरुपयोग अनुसन्धान आयोगले सेवाग्राहीसँग दुई लाख घुस लिएको आरोपमा सबइन्जिनियरलाई पक्राउ गरेको छ।अख्तियारले जलस्रोत तथा सिँचाइ विकास डिभिजन...
काठमाडौं, असोज २० : अख्तियार दुरुपयोग अनुसन्धान आयोगले सेवाग्राहीसँग दुई लाख घुस लिएको आरोपमा सबइन्जिनियरलाई पक्राउ गरेको छ।
अख्तियारले जलस्रोत तथा सिँचाइ विकास डिभिजन कार्यालय वसुन्धरा काठमाडौँमा कार्यरत सवइन्जिनियर दीपेन्द्रकुमार केसीलाई पक्राउ गरेको हो।
कल्भर्ट निर्माणसम्बन्धी ठेक्का सम्झौताबमोजिम कार्य सम्पन्न गरी अन्तिम बिल भुक्तानीका क्रममा उनले सेवाग्राहीसँग घुस मागेको खुलेको छ।
आयोगले सवइन्जिनियर केसीलाई कार्यालय परिसरबाटै पक्राउ गरेको आयोगका प्रवक्ता नारायणप्रसाद रिसालले जानकारी दिए। आरोपी केसीको थप अनुसन्धान भइरहेको आयोगले जनाएको छ।
प्रकाशित मिति: ०६:३३ बजे, बुधबार, असोज २०, २०७८
प्रतिक्रिया दिनुहोस्
थप समाचार
