कक्षा १२ को नतिजा सार्वजनिक, तीन हजार ६७ जनाले मात्रै ल्याए माथिल्लो ग्रेड

काठमाडौं, साउन १३ : राष्ट्रिय परीक्षा बोर्डले कक्षा १२ को नतिजा सार्वजनिक गरेको छ। 

सोमबार साँझ बसेको बोर्ड बैठकपछि कक्षा १२ को नतिजा सार्वजनिक गरिएको हो। बोर्डले सार्वजनिक गरेको नतिजा अनुसार नियमिततर्फ ३ दशमलव ६१ देखि ४ जिपिए तीन हजार ६७ जनाले ल्याएका छन्।

परीक्षा बोर्डका अनुसार ३ दशमलव २१ देखि ३.६० सम्म १६ हजार २ सय ४, २ दशमलव ४१ देखि २.८० सम्म ५६ हजार ५ सय ३, २ दशमलव ०१ देखि २.४० सम्म ८६ हजार २ सय २७ र १ दशमलव ६१ देखि २ जीपीए ६२ हजार ६ सय १९ ले ल्याएका छन्।

आंशिक परीक्षातर्फ ४१.८३ प्रतिशत अर्थात २३ हजार ९ सय १५ जना उतीर्ण भएका छन्। कक्षा १२ को परीक्षामा नियमिततर्फ २ लाख ९२ हजार १ सय ५३ र आंशिकतर्फ ५७ हजार १ सय ७० जना  परीक्षार्थी सहभागी भएका थिए। यस्तै, ग्रेड वृद्धितर्फ ७८ हजार ७ सय ४४ ले पुनः परीक्षामा सामेल भएका थिए।