कर्णाली योजना आयोग सदस्य शाहीले दिए राजीनामा

सुर्खेत, असोज ४ : कर्णाली प्रदेश योजना आयोग सदस्य योगेन्द्र शाहीले आज (सोमबार) मुख्यमन्त्री महेन्द्रबहादुर शाहीसमक्ष पदबाट राजीनामा दिएका छन्।

उनले राजनीतिक घटनाक्रम र व्यावहारिक समस्याका कारण अहिले आयोगमा रहन उचित नठानेर राजीनामा दिएको बताए। राजीनामा दिए पनि कर्णाली प्रदेशका लागि स्वंयसेवी भएर काम गर्न तयार रहेको उनको भनाइ छ।

शाही एमाले र माओवादी केन्द्र मिलेर बनेको नेकपा अस्तित्वमा रहँदैखेरि कर्णाली योजना आयोगको सदस्य भएका थिए। नेकपामा विभाजन आएपछि उनी एमालेमै थिए। सोही कारण उनले राजीनामा दिनुपरेको बताइएको छ।