पोखरीमा डुबेर दुईजनाको मृत्यु

पर्सा, असोज ३ : वीरगन्जमा पोखरीमा डुबेर दुईजनाको मृत्यु भएकाे छ।

वीरगंज महानगरपालिका–१२ स्थित मुर्ली पोखरीमा डुबेर सोही महानगरपालिका–१५ ब्रहमचोक बस्ने उमेश साहका छोरा १३ वर्षीय पृतमकुमार गुप्ता र सोही ठाउँ बस्ने दिनेश साहका छोरा १७ वर्षीय आशिष कुमार साहको शनिबार दिउँसो मृत्यु भएको प्रहरीले जनाएको छ।

उनीहरु घरबाट हराएको भन्ने खबर प्राप्त हुनासाथ वडा प्रहरी कार्यालय श्रीपुरबाट खटिएको प्रहरीले खोजी गर्ने क्रममा उक्त पोखरीमा दुवै जना डुबिरहेको अवस्थामा फेला पारी उपचारको लागि तराई अस्पताल वीरगंज पठाएकोमा उनीहरुको उपचारको क्रममा मृत्यु भएको हो। 

यस सम्बन्धमा थप अनुसन्धान भइरहेको प्रहरीले जनाएको छ।