कक्षा १२ को नतिजा आज प्रकाशन गरिँदै

काठमाडौं, साउन १३ : कक्षा १२ को परीक्षाफल आज सार्वजनिक हुने भएको छ।

राष्ट्रिय परीक्षा बोर्डले नतिजा प्रकाशनका लागि बेलुकी ५ बजे राष्ट्रिय परीक्षा बोर्डको बैठक बोलाएको छ।  हिजो नतिजाको शुद्धाशुद्धि हेरिएको थियो। प्राविधिकसहितको टोलीले नतिजामा केही मिले/नमिलेको जाँच गरेका थिए।

यस पटक बोर्डले सबै विषयको नतिजा एकै पटक सार्वजनिक गर्न लागेको हो। विगतका वर्षहरूमा विज्ञान समूहको नतिजा पहिले र त्यसपछि अन्य समूहको नतिजा प्रकाशन गर्दै आएको थियो।

गत वर्षभन्दा यो वर्ष नतिजा छिटो प्रकाशन हुन लागेको हो। यस वर्ष चार लाखभन्दा बढी विद्यार्थीले कक्षा १२ को परीक्षा दिएका थिए।