एएफसी कप : आज नेपाल फिलिपिन्ससँग भिड्दै

काठमाडौं, असोज २ : एएफसी महिला एसियन कप–२०२२ पहिलो छनोट खेलमा आज नेपालले फिलिपिन्सको सामना गर्ने भएको छ।

उज्वेकिस्तानको जेएआर स्टेडियममा नेपाली समयअनुसार दिउँसो ३ः४५ बजे नेपाल र फिलिपिन्सको खेल हुनेछ। समूह ‘एफ’ मा नेपालसँगै फिलिपिन्स र हङकङ छन्।

नेपालले अर्को खेल असोज ५ गते हङकङसँग हुनेछ। यस समूहको फिलिपिन्स र हङकङबीचको खेल असोज ८ गते हुनेछ।
समूहको शीर्ष टोलीले अर्को वर्ष भारतमा हुने एसियन कप खेल्न पाउनेछ। एसियन कप जनवरी २० देखि फेब्रुअरी ६ सम्म हुने तय भएको छ।

छनोटअघि नेपालले घरेलु मैदानमा बंगलादेशविरुद्ध मैत्रीपूर्ण फुटबल खेलेको थियो। बंगलादेशसँग दुई खेल खेलेको महिला टोलीले एकमा जित र एकमा बराबरी नतिजा निकालेको थियो।

फिलिपन्ससँगको खेलका लागि नेपाली टोली गत सोमबार नै उज्वेकिस्तान गएको थियो। नेपाली टोली जितका लागि मैदानमा उत्रिनेछ।