पहिरोले घर पुरिँदा एकको मृत्यु, एक वेपत्ता

रोल्पा, भदौ २१ : रोल्पामा गएराति पहिरोले घर पुरिँदा एक जनाको मृत्यु भएको छ भने एक जना वेपत्ता भएका छन्।

गएराति रोल्पा नगरपालिका १० मा पहिरोले घर पुरिएको हो। घर पुरिँदा एक जनाको मृत्यु भएको छ भने एक जना वेपत्ता छन्।

पहिरोमा परि दुई जना घाइते भएको राष्ट्रिय आपतकालीन कार्यसञ्चालन केन्द्रले जनाएको छ।

मृतकको सनाखत हुन सकेको छैन। बेपत्ताको खोजी भइरहेको जिल्ला प्रहरी कार्यालयले जनाएको छ।