२१औं शताब्दीको जनवादलाई माओवादीले स्विकार्नुपर्छ : शर्मा

काठमाडौं, भदौ १९ : अर्थमन्त्री एवं माओवादी केन्द्रका नेता जनार्दन शर्माले २१औं शताब्दीको जनवादलाई लागू नगरेका कारण पार्टी कमजोर बन्दै गएको बताएका छन्।

आज (शनिबार) राजधानीमा माओवादी दोरम्बा शैलुङ-काठमाडौं सम्पर्क समन्वय समितिको भेलालाई सम्बोधन गर्दै उनले भने, ‘पार्टीलाई शक्तिबाली बनाएर लान  ‘जनयुद्धबाट स्थापित२१औं शताब्दीको जनवादलाई बहसका लागि राष्ट्रिय सम्मेलनमा लैजानुपर्छ।’

२१औं शताब्दीको जनवादले जनताद्वारा नियन्त्रित पार्टी र सत्ता हुनुपर्ने विषयलाई जोड दिएको र पार्टीले पनि त्यसलाई अब स्वीकार गर्नुपर्नेमा उनले जोड दिए। उनले पार्टी केन्द्रमुखी नभई जनतामुखी बन्नुपर्ने बताए।

गुटबन्दीलाई त्यागेर  खुला बहसका माध्यमले पार्टीको हरेक तह निर्माण गर्नुपर्ने आवश्यकता पनि उनले औंल्याए।