डुंगा दुर्घटनामा परी पेरुमा २० जनाको मृत्यु, कैयौँ बेपत्ता
पेरु, भदौ १४ : पेरुमा भएको डुङ्गा दुर्घटनामा परी २० भन्दा बढीको मृत्यु भएको छ। दुर्घटनामा परी अरु ५० भन्दा बढी यात्रु हराइरहेको अधिकारीहरुले जानकारी...
पेरु, भदौ १४ : पेरुमा भएको डुङ्गा दुर्घटनामा परी २० भन्दा बढीको मृत्यु भएको छ।
दुर्घटनामा परी अरु ५० भन्दा बढी यात्रु हराइरहेको अधिकारीहरुले जानकारी दिएका छन्।
अमेजन क्षेत्रको हुल्लाग नदिमा डुंगा दुर्घटना भएको आरपीपी रेडियोले समाचार प्रसारण गरेको छ।
बाक्लो कुहिरोका कारण चालकलाई गन्तव्य पहिचान गर्न समस्या भएपछि डुंगा ठोक्किएर दुर्घटना भएको प्रारम्भिक अनुसन्धानबाट पत्ता लागेको छ।
दुर्घटना भएका बेला विमानमा झण्डै ८० यात्रु रहेको अनुमान गरिएको छ।
‘पर्याप्त उज्यालो नभएकाले चालकलाई डुंगा संचालन गर्न समस्या भएर दुर्घटना भएको हो,’ दुर्घटनामा परी बाँचेका एक व्यक्तिले भने।
बेपत्ता भएका यात्रुहरुको खोजीका लागि उद्धारकर्ताहरु परिचालन गरिएको र खोजी कार्य भइरहेको अधिकारीहरुले जनाएका छन् ।
बेपत्ता भएकाहरु जिवितै भेटिने संभावना कम रहेकाले मृतकको सङ्ख्या पनि बढ्न सक्ने खोजी कार्यमा खटिएकाहरुले बताएका छन्।
