ब्रेक फेल हुँदा धादिङमा मिनी ट्रक दुर्घटना, ३५ जना घाइते

काठमाडौं, भदौ १४ : धादिङमा मिनी ट्रक दुर्घटना हुँदा ३५ जना घाइते भएका छन्। तीमध्ये १६ जनाको अवस्था गम्भीर रहेको बताइएको छ।

तीमध्ये पनि चारजनालाई उपचारका लागि हेलिकप्टरबाट र थप १२ जनालाई एम्बुलेन्समार्फत काठमाडौं पठाइएको गाउँपालिकाले जनाएको छ।

धादिङको ज्वालामुखी गाउँपालिका-५ बाट जिल्ला सदरमुकाम धादिङबेसी आउँदै गरेको बा३ख ५६२३ नम्बरको मिनी ट्रक दुर्घटनामा परेको उक्त गाउँपालिकाकाले जनाएको छ। 

आज (सोमबार) बिहान साढे ९ बजेतिर ब्रेक फेल भएर अनियन्त्रित मिनी ट्रकले रोकिराखेको बा३ख ५७४४ नम्बरको टिपरमा ठाक्किँदा उक्त दुर्घटना भएको प्रहरीले जनाएकाे छ।