सुनसरीको झुम्कास्थित म्याजिक फिल्म हलमा आगलागी

काठमाडौं, भदौ १२ : सुनसरीको झुम्कास्थित साइराम मार्केटको भवनमा रहेको म्याजिक फिल्म हलमा आगलागी भएको छ।

आगलागीबाट सिनेमा हलमा पूर्ण क्षति पुगेको जनाइएको छ। बिजुली सर्ट भएर बिहान ८ बजे आगलागी भएको प्रहरीले जनाएको छ। नेपाल प्रहरी र स्थानीयको सक्रियतामा आगो नियन्त्रणमा लिइएको छ।

आगो नियन्त्रणमा लिन ६ वटा दमकल प्रयोग गरिएको प्रहरीको भनाइ छ। म्याजिक झुम्काको एक मात्र सिनेमा हल हो।