काबुलबाट आज थप ११ जना नेपालीको उद्दार, ४२ जना उद्दारको पखाईमा

काठमाडौं, भदौ १० : आज थप ११ जना नेपालीलाई काबुलबाट उद्दार गरिएको परराष्ट्र मन्त्रालयले जनाएको छ । उद्दार गरिएका ती नेपालीलाई दिल्ली लगिएको र काठमाडौं ल्याउने तयारी भैरहेको समेत मन्त्रालयले जनाएको छ ।

यस्तै, अन्य ४२ जना नेपाली काबुलका विभिन्न स्थानमा उद्दारको पर्खाइमा रहेको समेत परराष्ट्रले जनाएको छ । विमानस्थल बाहिर भीड जम्मा भएकाले एकीकृत गरिएका ती नेपालीलाई उद्दारका लागि समन्वय भैरहेको मन्त्रालयको भनाइ छ ।

अफगानिस्तानबाट उद्दार गरेर दोहा, दुबई, लन्डन र नयाँ दिल्लीमा राखिएका नेपालीलाई काठमाडौंसम्म ल्याउनको लागि निरन्तर समन्वय भैरहेको समेत परराष्ट्रले जनाएको छ ।काबुलमा नागरिक उड्डयन सेवाको जहाजको आगमन अवतरण हालसम्म पनि खुलिसकेको छैन।