एमालेको सम्पत्तिमा कानूनले जे भन्छ, त्यही गरौँलाः नेपाल

काठमाडौं, भदौ १० : नवगठित नेकपा (एकीकृत समाजवादी)का अध्यक्ष माधवकुमार नेपालले पार्टी विभाजनपछि एमालेको अर्बौँको सम्पत्ति कानूनमा व्यवस्थाअनुसार दाबी गर्ने, नगर्नेबारे निर्णय लिइने बताएका छन् ।

नवगठित पार्टीको धारणा सार्वजनिक गर्न निर्वाचन आयोगमा पार्टी दर्ता भएपछिको पहिलो पत्रकार सम्मेलनमा आएका प्रश्नहरूका जवाफ दिँदै अध्यक्ष नेपालले आफैँले एमालेको त्यो सम्पत्ति जम्मा पारेको र कानूनअनुसार हक नलाग्ने भए नयाँ पार्टीमा पनि जम्मा गर्न सकिने उनले बताए ।

विगतमा पार्टी विभाजन हुँदा सम्पत्ति पनि बाँडफाँट भएको सुनिएको उनले उल्लेख गरे ।