उपत्यकामा थपिए ६८९ कोरोना संक्रमित 

काठमाडौं, भदौ ८ : काठमाडौं उपत्यकामा ६८९ जना कोरोना भाइरसका संक्रमित थपिएका छन् । 

स्वास्थ्य  तथा जनसंख्या मन्त्रालयका अनुसार काठमाडौंमा ५१८, भक्तपुरमा ५२ र ललितपुरमा ११९ जना संक्रमित थपिएका हुन्।

त्यसैगरी हाल काठमाडौं उपत्यकामा १० हजार ५ सय ५८ सक्रिय संक्रमित छन्।

काठमाडौंमा ६८८३, भक्तपुरमा १४१६ र ललितपुरमा २२५९ सक्रिय संक्रमित छन्। 

पछिल्लो २४ घण्टामा थप २ हजार ५२५ जनामा कोरोना भाइरसको संक्रमण पुष्टि भएको छ भने संक्रमणबाट ३५ जनाको मृत्यु भएको छ ।