कांग्रेसमा क्रियाशील सदस्यता विवाद टुंगियो, समितिले बुझायो प्रतिवेदन

काठमाडौं, भदौं ७ : सत्तारुढ दल नेपाली कांग्रेसको क्रियाशील सदस्यता विवाद समाधान समितिले प्रतिवेदन बुझाएको छ ।

सोमबार साँझ समितिका सदस्यहरूबीचको बैठक सम्पन्न भएपछि प्रधानमन्त्री समेत रहेका शेरबहादुर देउवा निवास बूढानीलकण्ठमा समितिले पार्टी सभापतिलाई प्रतिवेदन बुझाएको हो । यो सँगै कांग्रेसमा रहेको क्रियाशील सदस्यता विवाद समेत टुंगिएको छ ।

गत साउन ३० गते पूर्वमहामन्त्री कृष्णप्रसाद सिटौलाको संयोजकत्वमा क्रियाशील सदस्यता विवाद समाधान समिति गठन भएको थियो । जसमा नेताहरू डा. मीनेन्द्र रिजाल र रमेश लेखक सदस्य रहेको समितिलाई भदौ २ गते क्रियाशील सदस्यता विवरण बुझाउन समय तोकेको भएपनि समितिले आजमात्र प्रतिवेदन बुझाएको हो ।

कांग्रेसको यही भदौ १८ गतेबाट वडा अधिवेशन शुरु गर्ने कार्यतालिका रहेको छ ।