पूर्वप्रधानमन्त्री खनालले भने- नेकपा (एकीकृत समाजवादी)लाई साथ र समर्थन छ

काठमाडौं, भदौ ४ : यसअघि माधवकुमार नेपालको साथमा रहेका एमालेको दोस्रो पुस्ताका केही नेता अनिर्णित देखिँदा पहिलो पुस्ताका नेता तथा पूर्वप्रधानमन्त्री झलनाथ खनालले आफ्नो कित्ता क्लियर गरेका छन् ।

आफूू नवगठित नेकपा (एकीकृत समाजवादी)मा रहेको उनले स्पष्ट पारेका छन् । खनाल अहिले मिर्गौला प्रत्यारोपणपछि भारत नयाँदिल्लीस्थित अस्पतालमा उपचाररत छन् ।

‘भारतको नयाँदिल्लीस्थित एपोलो हस्पिटलमा उपचाररत पूर्वप्रधानमन्त्री झलनाथ खनाल नयाँ दर्ता भएको नेपाल कम्युनिस्ट पार्टी (एकीकृत समाजवादी) को साथ र समर्थनमा रहनुभएको सम्पूर्णमा जानकारी गराउँछौँ,’ खनालको सचिवालयले शुक्रबार अपराह्न सामाजिक सञ्जालमार्फत प्रष्ट्याएको छ ।