काठमाडौं उपत्यकामा थपिए ८९८ संक्रमित, ८ जनाको मृत्यु

काठमाडौं, भदौ ४ : पछिल्लो २४ घन्टामा काठमाडौं उपत्यकामा ८ सय ९८ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार काठमाडौंमा सबैभन्दा बढी ६ सय ४ जनामा संक्रमण पुष्टि भएको छ। त्यसैगरी भक्तपुरमा १ सय ७ र ललितपुरमा १ सय ८७ जना कोरोना संक्रमण पुष्टि भएको हो।

पछिल्लोपटक थपिएको सहित उपत्यकामा सक्रिय संक्रमितको संख्या ११ हजार ६ सय ३१  पुगेको छ। जसमध्ये काठमाडौंमा ८ हजार ७ सय ६७, भक्तपुरमा १ हजार ४ सय ७४ जना र ललितपुरमा २ हजार २ सय ९० रहेका छन्।

उपत्यकामा पछिल्लो २४ घन्टामा काठमाडौंमा ६ र लिलतपुर २ गरी ८ जनाको मृत्यु भएको छ।

योसहित उपत्यकामा कोरोनाबाट मृत्यु हुनेको संख्या ३ हजार ६९ पुगेको छ। जसमध्ये काठमाडौंमा २ हजार ४०, भक्तपुरमा ४ सय २ जना र ललितपुरमा ६ सय २७ रहेका छन्।