२४ घण्टामा ४२ संक्रमितको मृत्यु, थप ३४०३ जनामा संक्रमण पुष्टि

काठमाडौं, भदौ २ : पछिल्लो २४ घण्टामा थप ३४०३ जनामा कोरोना भाइरसको संक्रमण पुष्टि भएको छ।

१६ हजार ८३८ जनामा कोरोना परीक्षण गर्दा सो संख्यामा संक्रमित थपिएको स्वास्थ्य जनसंख्या मन्त्रालयले जानकारी दिएको छ । 

पछिल्लो २४ घण्टामा ११ हजार ८३९ जनाको पिसिआर र ४ हजार ९९९ जनाको एन्टिजेन परीक्षण गरिएको थियो।

त्यस्तै, २ हजार १०४ जना कोरोना संक्रमणबाट मुक्त भएका छन्। 

कोरोना संक्रमणबाट थप ४२ जनाको मृत्यु भएको छ । योसँगै मृत्यु हुनेको संख्या १० हजार २५४ पुगेको छ।

यस्तै पछिल्लो २४ घण्टामा काठमाडौ उपत्यकामा ९९३ जनामा संक्रमण पुष्टि भएको छ ।