माधव नेपालसहित १४ सांसदलाई कारबाही गरेको एमालेको पत्र संसद सचिवालय र निर्वाचन आयोगमा

काठमाडौं, भदौ १ : एमालेले वरिष्ठ नेता माधवकुमार नेपालसहित १४ जना सांसदलाई कारवाही गरिएको पत्र संघीय संसद सचिवालय र निर्वाचन आयोगमा बुझाएको छ ।

पार्टी विभाजनतर्फ बढेको बताउँदै एमालेले उनीहरूलाई सांसद पदबाट मुक्त गराउन पत्राचार गरेको हो ।

निर्वाचन आयोगका प्रवक्ता राजकुमार श्रेष्ठले संघीय संसदलाई पठाइएको पत्रको बोधार्थ प्राप्त भएको जानकारी दिए ।

कारवाही गरिएकामा माधवकुमार नेपाल, जीवनराम श्रेष्ठ, मुकुन्द न्यौपाने, विरोध खतिवडा, कृष्णलाल महर्जन, भवानी खापुङ, मेटमणी चौधरी, रामकुमारी झाँक्री, कल्याणी खड्का, लक्ष्मीकुमारी चौधरी, निरादेवी जैरु, पुष्पाकुमारी कर्ण, सरला यादव र कलिला खातुन छन् ।

एमाले सचेतक शान्ता चौधरीले उनीहरूलाई कारवाही गरी सांसदबाट पदमुक्त गर्ने निर्णय भएको पुष्टि गरिन् ।