लुम्बिनीका दुई सांसदलाई पदमुक्त गर्न प्रदेशसभा सचिवालयमा एमालेको पत्र

काठमाडौं, भदौ १ : एमालेले लुम्बिनी प्रदेश सरकारमा सहभागी दुई सांसदलाई पदमुक्त प्रदेशसभा सचिवालयमा पत्र पठाएको छ ।

एमालेका मुख्यसचेत भूमिश्वर ढकालले पत्र पठाएका हुन् । आफ्नो सूर्य चिह्न लिएर निर्वाचित अजय शाही र विमला वलीले पार्टी र संसदीय दलको विधान, नियम र पार्टी निर्देशनविपरीत गतिविधि गरेको दाबी पत्रमा गरिएको छ ।

शाही प्रदेशसभामा सूर्य चिह्न लिएर नवलपरासीको क्षेत्र नम्बर १ ‘ख’बाट निर्वाचित भएका थिए। यस्तै, वली ०७६ सालमा भएको उपनिर्वाचनमा तत्कालीन नेकपाका तर्फबाट दाङ निर्वाचन क्षेत्र नम्बर ३ ‘ख’बाट निर्वाचित भएकी थिइन्।

दुवैजनाले आफूहरू स्वतन्त्र सांसद भएकाले एमालेको ह्विप नलाग्ने बताउँदै आएका छन् ।