दक्षिण कोरियामा कोरोनाको चौथो लहर, सङ्क्रमितको संख्या बढ्दै

सोल, साउन २९ : दक्षिण कोरियामा कोरोना सङ्क्रमित पछिल्लो २४ घन्टामा बढेको देखिएको छ। यहाँ सङ्क्रमित हुनेहरुको सङ्ख्या पछिल्ला हप्ताहरुमा बढ्दै गएको देखिएको छ ।
 
कोरोना भाइरसको चौथो वेभ आएको भनिएको यहाँ शुक्रबार १ हजार ९ सय ९० जनामा कोरोनाको थप सङ्क्रमण भएको बताइएको छ। यहाँ बिहीबार मध्यरातिसम्म अर्थात् गएको करिब २४ घन्टामा सङ्क्रमितहरु १ हजार ९ सय ९० जना थपिएका बताइएको छ।

योसँगै यहाँका सङ्क्रमितहरुको सङ्ख्या दुई लाख २० हजारजना भन्दा बढी पुगेको बताइएको छ। यहाँ पछिल्लो साता यहाँ कम्तीमा पनि १ हजार ६ सय जनामा सङ्क्रमण देखिने गरेको छ ।

बुधबार रातिसम्म यहाँ एक हजार नौ सय ८७ जना सङ्क्रमित थपिएकामा शुक्रबार त्योभन्दा बढी देखिएको हो। यहाँका स्वास्थ्य अधिकारीहरुले अधिकांश विदेशबाट आएका व्यक्तिमा पाइएको पनि सो समाचारमा जनाइएको छ ।

यहाँ निकै थोरै सङ्ख्यामा मात्र सङ्क्रमितहरु थिए । दक्षिण कोरिया सरकारले कोरोना भाइरसको सङ्क्रमणलाई रोक्न विदेशका अरू देशहरुको तुलनामा प्रभावकारी काम गरेको बताइएको थियो।

तर प्राप्त समाचारमा दक्षिण कोरियामा पनि पछिल्लो समयमा सङ्क्रमितहरुको सङ्ख्या बढ्दै गएको देखिएको छ। दक्षिण कोरियाको सरकारले खोप लगाउने कामलाई पनि प्राथमिकतामा राखेको जनाएको छ।

यहाँ मृत्युदर भने कम रहेको छ। यहाँ अहिलेसम्म यो भाइरसबाट दुई हजार एक सय ४४ जनाको ज्यान गएको छ।