चीनको आधा जनसंख्यालाई कोभिड-१९ विरुद्ध पूर्ण खोप

बेइजिङ, साउन २९ : चीनले आफ्नो करिब आधा जनसंख्यालाई कोभिड-१९ विरुद्ध खोप दिएको जनाएको छ ।

अधिकारीहरूलाई उद्धृत गर्दै सरकारी सञ्चार माध्यम ग्लोबल टाइम्सले जनाएअनुसार ७७ करोड ७० लाख जनसंख्याले पूर्ण खोप प्राप्त गरेको छ ।

चिनियाँ स्वास्थ्य आयोगले बिहीबार सार्वजनिक गरेको तथ्यांकले चीनमा कोभिड-१९ विरुद्ध खोप तीव्र रूपमा लगाइएको देखाएको हो ।

चीनमा हाल करिब एक अर्ब ४० करोड जनसंख्या अनुमानित छ ।

कोभिड-१९ महामारी चीनकै वुहानबाट सुरु भएको हो । चीनले नै महामारीविरुद्धको खोप उत्पादनलाई प्रमुख प्राथमिकताका साथ अगाडि बढाएको छ ।