गण्डकी प्रदेशमा कांग्रेसले फेर्यो दलका पदाधिकारी, प्रमुख सचेतकमा गौतम र सचेतकमा मल्ल चयन

काठमाडौं, साउन २८ : नेपाली कांग्रेस संसदीय दलले गण्डकी प्रदेश सभाको प्रमुख सचेतक र सचेतक परिवर्तन गरेको छ । 

यसअघि सचेतक रहेकी नवलपुरकी ओमकला गौतमलाई प्रमुख सचेतक बनाएको छ भने सचेतकको जिम्मेवारी स्याङ्जाका भागवतप्रकाश मल्ललाई दिएको छ ।

प्रदेशमा कांग्रेसले सत्ताको नेतृत्वमा गएपछि मुख्यमन्त्री समेत रहेका कांग्रेस संसदीय दलका नेता कृष्णचन्द्र नेपालीले प्रमुख सचेतक मणिभद्र शर्मा पर्यटन मन्त्री भएपछि उनको ठाउँमा गौतमलाई जिम्मेवारी तोकेका हुन् ।

गौतम सचेतक बनेपछि उनको ठाउँमा मल्ललाई ल्याएका हुन् । यसरी प्रमुख सचेतक र सचेतक बनेका दुबै जना मन्त्रीका आकाँक्षी रहेका थिए ।