सुनको मूल्यमा ६ सय रुपैयाँ वृद्धि, चाँदीको मूल्य स्थिर

काठमाडौं, साउन २८ : आज (बिहीबार) छापावाल सुनको मूल्यमा ६ सय रुपैयाँ वृद्धि भएको छ। सुनचाँदी व्यवसायी महासंघका अनुसार आज सुन प्रतितोला ८९ हजार ४ सय रुपैयाँमा कारोबार भइरहेको छ।

बुधबार सुन प्रतितोला ८८ हजार ८ सय रुपैयाँमा कारोबार भएको थियो। पछिल्लो सुनको मूल्यमा गिरावट आए पनि आज ६ सय रपैयाँले बढेको हो। 

तेजाबी सुनको मूल्य प्रतितोला भने ८८ हजार ९ सय ५० रुपैयाँमा कारोबार भइरहेको छ।

आज चाँदीको मूल्यमा भने कुनै घटबढ भएको छैन। महासंघका अनुसार आज चाँदी प्रतितोला ११ सय ९० रुपैयाँमा किनबेच भइरहेको छ। बुधबार पनि यही मूल्य कायम थियो।