लुम्बिनी प्रदेशसभाको विशेष अधिवेशन जारी, राजीनामाका बावजुद मुख्यमन्त्री पोखरेलविरुद्ध अविश्वास प्रस्तावमाथि छलफल

काठमाडौं, साउन २७ : मुख्यमन्त्री शंकर पोखरेलले राजीनामाका बावजुद उनीविरुद्ध दर्ता भएको अविश्वास प्रस्तावमाथि छलफल गर्न लुम्बिनी प्रदेशसभाको विशेष अधिवेशन जारी छ ।

प्रदेशसभा बैठकमा सत्तापक्ष एमालेका कुनै सांसद उपस्थित छैनन् । कांग्रेस संसदीय दलका नेता वीरेन्द्र कनौडियाले मुख्यमन्त्री पोखरेलविरुद्ध अविश्वास प्रस्ताव पेश गरेका छन् । प्रस्तावमाथि छलफल जारी छ ।

पोखरेलविरुद्धको अविश्वास प्रस्तावमा माओवादी केन्द्र संसदीय दलका नेता कुलप्रसाद केसीलाई नयाँ मुख्यमन्त्री प्रस्तावित गरिएको छ ।