संसदमा ओलीको अभिव्यक्तिमा बाबुरामको टिप्पणी- सबको औषधि दैवले रचिदियो बिर्सेछ कि मुर्खको

काठमाडौं, साउन २६ : प्रतिनिधिसभामा मंगलबार एमाले अध्यक्ष तथा प्रमुख प्रतिपक्षी दलका नेता केपी ओलीले दिएको अभिव्यक्तिलाई जसपा संघीय परिषद् अध्यक्ष डा. बाबुराम भट्टराईले मुख्र्याइँ संज्ञा दिएका छन् ।

पूर्वप्रधानमन्त्री ओलीको मन्तव्यलगत्तै सामाजिक सञ्जालमा टिप्पणी गर्दै डा. भट्टराईले लेखेका छन्, ‘सबको औषधी दैवले रचिदियो बिर्सेछ कि मूर्खको !’

‘भर्खरै आफ्नै कुकर्मले सत्ताच्यूत भएका ओलीको संसदमा कुरा सुन्दा र हाउभाउ हेर्दा स्कुलमा पढेको कवितांशको याद आयो ! पटक-पटक संविधानको उल्लंघन, संसदको हत्या, अध्यादेशको राज, भ्रष्टाचारको पहाडबारे न कुनै क्षमायाचना ! उल्टै जो चोर उसको ठूलो स्वर !’