दार्चुला घटनाबारे जानकारी दिन सभामुखको रुलिङ

काठमाडौं, साउन २६ : सभामुख अग्निप्रसाद सापकोटाले दार्चुलामा भारतीय सुरक्षाकर्मीले तुइन काटिदिँदा नेपाली नागरिक महाकाली नदीमा बेपत्ता भएको घटनाबारे यथार्थ जानकारी गराउन सरकारलाई रुलिङ गरेका छन् ।

दार्चुला व्यास गाउँपालिकाका जयसिंह धामी १५ साउनमा तुइनबाट खसेर महाकाली नदीमा बेपत्ता भएको घटनाको सत्यतथ्य पत्ता लगाई जानकारी दिन सापकोटाले मंगलबारको प्रतिनिधिसभा बैठकमा रुलिङ गरेका हुन् ।

उक्त घटना छानविन गर्न गृह मन्त्रालयका सहसचिव जनार्दन गौतमको संयोजकत्वमा सरकारले छानविन समिति गठन गरेको छ । समितिलाई १० दिनभित्र प्रतिवेदन बुझाउन सरकारले समय दिएको छ ।