भारतमा नौ करोड ७५ लाख किसानलाई १९ हजार पाँच सय करोड अनुदान

नयाँदिल्ली, साउन २५ : भारत सरकारले आफ्ना नौ करोड ७५ लाख किसानका लागि १९ हजार पाँच करोड भारतीय रुपैयाँको अनुदान घोषणा गरेको छ ।

प्रधानमन्त्री नरेन्द्र मोदीले सोमबार उक्त घोषणा गरेका हुन् । ‘प्रधानमन्त्री किसान सम्मान निधि’ परियोजनाअन्तर्गत हालसम्म किसान परिवारलाई १.५७ करोड भारतीय रुपैयाँ वितरण भइसकेको छ ।

उक्त परियोजनाअन्तर्गत हरेक चौमासामा प्रतिकिसान परिवार दुई हजार भारु दिइने गरेको छ । र, वर्षदिनमा प्रतिपरिवार ६ हजार भारु दिइने गर्छ ।

फेब्रुअरी २०१९ मा केन्द्र सरकारले उक्त परियोजना सुरु गरेको थियो । ‘प्रधानमन्त्री किसान योजना’को उक्त रकम सीधै सम्बन्धित परिवारको बैंक खातामा पठाइने गरेको छ ।