संसदमा प्लेकार्ड प्रदर्शन गर्ने भारतका तीन सांसद निलम्बित
भारतीय संसदको उपल्लो सदन राज्यसभामा सरकारविरुद्ध प्लेकार्ड प्रदर्शन गरेका तीनजना सांसद निलम्बनमा परेका छन्।
नयाँदिल्ली, साउन २० : भारतीय संसदको उपल्लो सदन राज्यसभामा सरकारविरुद्ध प्लेकार्ड प्रदर्शन गरेका तीनजना सांसद निलम्बनमा परेका छन् ।
राज्यसभाका अध्यक्ष वैंकया नायडुले उनीहरूलाई एक दिन बैठकमा सहभागी हुन नपाउने गरी निलम्बन गरेका हुन् । उनीहरूले प्लेकार्ड प्रदर्शन गर्दै राज्यसभाको बैठक अवरुद्ध गरेका थिए ।
निलम्बनमा पर्नेहरूमा त्रिणमुल कांग्रेसका सांसदहरू डोला सेन, अर्पिता घोष र नदिम उल हक छन् ।
चर्चित पेगासस स्क्यान्डललाई लिएर उनीहरूले संसदमै सरकारविरुद्ध प्रदर्शन गरेका थिए ।
राज्यसभा अध्यक्ष नायडुले उनीहरूलाई आ–आफ्नो सिटमा गएर बस्न दिएको निर्देशन उल्लंघन गर्दै प्रदर्शन जारी राखेपछि एक दिन बैठकमा सहभागी नहुने गरी निलम्बन गरेको घोषणा गरेका हुन् ।
प्रकाशित मिति: १३:३४ बजे, बुधबार, साउन २०, २०७८
प्रतिक्रिया दिनुहोस्
थप समाचार
