माओवादी केन्द्रका चार पूर्वनेताको रिट निवेदनमाथिको सुनुवाइ स्थगित

काठमाडौं, साउन १५ : पूर्वमाओवादी नेताहरुले सांसद पद कायम गरी पाउँ भनी सर्वोच्च अदालतमा दिएको रिटमाथि आज (शुक्रबार) गर्ने भनिएको सुनुवाइ स्थगित भएको छ ।

रिट निवेदकतर्फका कानुन व्यावसायीहरुको आग्रहमा सुनुवाइ स्थगित गरिएको सर्वोच्च अदालतले जनाएको छ ।

माओवादी केन्द्रका पूर्वनेता लेखराज भट्ट, टोपबहादुर रायमाझी, गौरी शंकर चौधरी र प्रभु शाहले एमालेमा प्रवेश गरेको भनिए पनि आफूहरु आधिकारिक रूपमा माओवादी केन्द्रमै रहेकाले सांसद पदबाट निकालिनु संविधान र पार्टी विधानविपरीत भएको दाबी गर्दै गुमेको पदमा पुनर्बहालीको माग गर्दै सर्वोच्च अदालतमा रिट दायर गरेका थिए।

न्यायाधीश आनन्दमोहन भट्टराईको एकल इजलासमा उनीहरुको रिटको पेसी तोकिएको थियो।