क्रियाशील सदस्यता छानविन समितिको प्रतिवेदनमा छलफल गर्न कांग्रेस शीर्ष नेताको बैठक
क्रियाशील सदस्यता छानविन समितिको प्रतिवेदनमाथि छलफल गर्न कांग्रेस शीर्ष नेताहरूको बैठक बस्दैछ।
काठमाडौं, साउन १५ : क्रियाशील सदस्यता छानविन समितिको प्रतिवेदनमाथि छलफल गर्न कांग्रेस शीर्ष नेताहरूको बैठक बस्दैछ ।
बैठकमा सभापति शेरबहादुर देउवा, वरिष्ठ नेता रामचन्द्र पौडेल, पूर्वमहामन्त्री कृष्णप्रसाद सिटौलालगायत नेता सहभागी हुने कांग्रेस केन्द्रीय कार्यालयले जानकारी दिएको छ ।
समितिले बिहीबारको पदाधिकारी बैठकमा आफ्नो अन्तिम प्रतिवेदन बुझाएको थियो । शीर्ष नेताहरूले पाँच दिनभित्र क्रियाशील सदस्यतामा देखिएका विवाद हल समाधान गर्ने बताएका थिए ।
कांग्रेस केन्द्रीय कार्यालयका अनुसार सभापति देउवाको बूढानीलकण्ठस्थित निवासमा बैठक बस्न लागेको हो ।
सप्तरी, बारा, धनुषा, सर्लाही, सिन्धुपाल्चोक र रसुवालगायत जिल्लामा क्रियाशील सदस्यताबारेको विवाद समाधान हुन बाँकी छ । क्रियाशील सदस्यता विवाद समाधान हुन नसक्दा वडा तहको अधिवेशन स्थगित भएको छ ।
प्रकाशित मिति: ११:१५ बजे, शुक्रबार, साउन १५, २०७८
प्रतिक्रिया दिनुहोस्
थप समाचार
