जिम्मेवार प्रतिपक्षका रूपमा सरकारलाई सहयोग गर्छौँः नेम्बाङ

काठमाडौं, साउन ८ : एमाले संसदीय दलका उपनेता सुवास नेम्बाङले सरकारलाई आफ्नो पार्टीले जिम्मेवार प्रतिपक्षका रूपमा सहयोग गर्ने बताएका छन् ।

प्रतिनिधिसभाको बैठकमा प्रधानमन्त्री शेरबहादुर देउवालाई बधाइ दिने कार्यसूचीअन्तर्गत दलको तर्फबाट बोल्दै नेम्बाङले हरेक मन्त्रालयको अनुगमन गर्ने र सरकारलाई कमी कमजोर औँल्याउने उनले बताए ।

प्रतिनिधिसभा पुनःस्थापना हुने सर्वोच्च अदालतको २८ असारको फैसला ठीक नभएको उनको दाबी थियो । तर, सर्वोच्च अदालतको फैसलालाई मानेर अगाडि बढ्ने बताए ।

आफ्नो पार्टीमा उत्पन्न विवाद समाधानमा आफूहरू लागिरहेको र त्यसका लागि शुभकामना दिन अन्य पार्टीहरूसँग उनले आग्रह गरे ।