विश्वासको मतमा राप्रपा तटस्थ

काठमाडौं, साउन ३ : राप्रपाले प्रधानमन्त्री शेरबहादुर देउवाले प्रस्ताव गरेको विश्वासको मतप्रति तटस्थ बस्ने भएको छ ।

विश्वासको मतमाथिको छलफलमा सहभागी हुँदै राप्रपाका एक मात्र सांसद राजेन्द्र लिङ्देनले तटस्थ बस्ने बताएका हुन् ।

राप्रपा पूर्वप्रधानमन्त्री केपी ओलीको सरकारको पक्षमा निरन्तर टिकेको थियो ।

लिङ्देनले संविधान मात्र होइन, ३० वर्षदेखि देशलाई नेतृत्व गरिरहेको पुस्ता नै असफल भएको बताए ।