विश्वासको मत प्रस्तावमा एमाले प्रवक्ता ज्ञवालीले सम्झिए बहुदलकाल

काठमाडौं, साउन ३ : प्रधानमन्त्री शेरबहादुर देउवाले प्रतिनिधिसभामा प्रस्तुत गरेको विश्वासको मतसम्बन्धी प्रस्तावमा एमाले प्रवक्ता प्रदीप ज्ञवालीले बहुदल कालको घटना क्रम दोहोरिएको दाबी गरेका छन् ।

संविधानको धारा ७६ (५) को अपव्याख्या भएको दाबी पनि उनले गरे । इतिहासदेखि वर्तमानसम्म एमाले अधिकांश समय प्रतिपक्षमा बसेको उनको भनाइ थियो ।

यसअघि पनि नौ महिनामा तत्कालीन प्रधानमन्त्री केपी ओलीलाई भारतको नाकाबन्दीको विरोध गरेको र चीनसँग पारवाहन सम्झौता गरेका कारण सत्ताबाट हटाइएको उनको दाबी थियो ।

सर्वोच्च अदालतको फैसलालाई आफूहरूले मान्ने बताए । तर, शक्ति पृथकीकरणका सिद्धान्त, नियन्त्रण र सन्तुलन भने मिचिएको दाबी गरे ।

संसद् विघटन गलत भएको भए ‘फलानाले फल ग¥यो, यस विन्दुबाट फेरि फुटबल अगाडि बढाऊ’ भन्नुपर्नेमा अदालतले सीधै प्रधानमन्त्री नियुक्त गरेको उनले आरोप लगाए ।