प्रदेश-२ मा माओवादी केन्द्रका दुई मन्त्रीले लिएर सपथ

जनकपुर, साउन २ : प्रदेश-२ मा माओवादी केन्द्र सरकारमा सहभागी भएको छ । उक्त पार्टीबाट मन्त्री बनेका दुईजनाले शनिबार पद तथा गोपनीयताको सपथ लिएका छन् ।

मुख्यमन्त्री लालबाबु राउतले माओवादीका भरतप्रसाद साहलाई आन्तरिक मामिला तथा सञ्चार र रुबी कर्णलाई राज्यमन्त्री नियुक्त गरेका छन् ।

प्रदेश प्रमुख राजेश झाले मन्त्री साहलाई र मुख्यमन्त्री राउतले राज्यमन्त्री कर्णलाई सपथ ग्रहण गराएका हुन् ।

उनीहरूलाई मन्त्री बनाउन यसअघि आन्तरिक मामिला मन्त्री ज्ञानेन्द्र यादव र राज्यमन्त्री सरोजसिंह कुसवाहले पदबाट राजिनामा दिएका थिए । दुवै जसपाबाट मन्त्री बनेका थिए ।